Tagalog news: Bagong gusali para sa kindergarten, pinasinayaan sa Batangas

ugnayan

navigate

select

Batangas City

Batangas, Philippines

connect now

Cancel

Tagalog news: Bagong gusali para sa kindergarten, pinasinayaan sa Batangas

Philippine Information Agency

By Mamerta P. De Castro

posted 30-Jun-2012 ·

0 comments

Pinasinayaan sa Batangas ang tatlong “Silid Pangarap” na mga gusali para sa kindergarten hatid ng Aklat, Gabay at Aruga Tungo sa Pag-angat at Pag-asa (AGAPP) Foundation noong ika-27 ng Hunyo.

Pinangunahan ni AGAPP chairperson Pinky Aquino-Abellada at governor Vilma Santos-Recto ang pagpapasinaya at ang turnover ceremony ng mga silid pangarap sa mga kinatawan ng Department of Education na kinabibilangan ng Bolbok Elementary School sa Batangas City, Tanauan North Central School at Santiago Elementary School sa Sto. Tomas.

Ang proyektong “Silid Pangarap” ng AGAPP ay naglalayong makapagbigay ng mga silid-aralan para sa kindergarten sa mga pampublikong paaralan sa buong bansa.

Bukod sa gusali, napapaloob na sa mga silid-aralan ang mga libro na inaasahang magpapabilis at magdaragdag ng interes sa pag-aaral ng mga bata.

Ayon kay Aquino-Abellada, ang Silid Pangarap Project ay isang inisyatibo kalakip ang pagtutulungan ng pribado at pampublikong sektor sa pagbibigay ng tulong sa edukasyon.

Naging kabalikat ng AGAPP Foundation sa lalawigan ang SM Foundation na siyang katuwang nito sa pagtatayo ng Silid Pangarap sa Bolbok Elementary School sa Batangas City, San Miguel Corporation Foundation para naman sa Silid Pangarap Tanauan at Aboitiz Foundation para sa Santiago Elementary School ng Sto. Tomas.

Taos pusong pinasalamatan ni Santos-Recto at Aquino-Abellada ang mga nasabing kumpanya sa kanilang corporate community programs na laan sa lalawigan lalo na ang mga programang pang-edukasyon.

Sinabi nito na magiging malinis at transparent ang kanyang administrasyon sa pakikipagtulungan sa mga kumpanya at mamumuhunan upang maging mabilis at epektibo ang mga pang-komunidad na proyekto ng mga ito na nais ipahatid sa lalawigan.

Ipinaabot ni Aquino-Abellada ang mensahe at pasasalamat ng buong angkan ng Aquino sa suportang ibinigay ng mga Batangueno mula sa kanyang ama na si Senador Ninoy Aquino, inang si dating Pangulong Cory Aquino at kapatid at kasalukuyang Pangulo Benigno “Noynoy” S. Aquino III.

“Hangga’t kami ay nabubuhay mananatili malapit sa amin ang Batanagas at asahan ninyo na hanggang sa abot ng aming makakaya ay ibibigay namin ang tulong tulad ng mga silid aralan na ito. Suportahan po natin ang ating Presidente PNoy sa pagtuwid ng bumaluktot na daan. Naniniwala po siya sa pagsasama-sama natin, aahon ang lahing Pilipino,” sabi ni Aquino-Abellada. (Edwin V. Zabarte, PIO-Batangas-PIA4A Batangas)

comments

What do you think?

0 comments

New to ugnayan?