Tagalog news: Malawakang kampanya laban sa HFMD inilunsad ng health office sa Batangas City

ugnayan

navigate

select

Batangas City

Batangas, Philippines

connect now

Cancel

Tagalog news: Malawakang kampanya laban sa HFMD inilunsad ng health office sa Batangas City

Philippine Information Agency

posted 19-Aug-2012 ·

0 comments

Nanawagan ang City Health Office (CHO) sa publiko na panatilihing malinis ang katawan at kapaligiran upang maiwasan ang nakahahawa at nakamamatay na hand, foot and mouth disease (HFMD).

Ang HFMD ay sanhi ng isang grupo ng enteroviruses tulad ng Coxsackievirus A16 (CA 16) at Enterovirus 71 (EV71) na isang matinding virus na naging sanhi ng pagkasawi ng 60 bata sa Cambodia.

Ilan sa sintomas ng sakit na ito ay ang lagnat ng isa hanggang dalawang araw, walang ganang kumain, namamagang lalamunan, rashes o blisters sa kamay, paa o talampakan at sa bibig.

Isang malawakang education campaign ang inilunsad ng CHO upang maturuan ang mga tao kung paano maiiwasan ang naturang sakit.

Unang target ng kampanya ay ang mga paaralan sa pakikipag-uganayan sa Department of Education.

Namigay rin ang CHO ng mga Information, Education and Communication materials kagaya ng mga flyers at leaflets.

Kadalasang nagkakaroon ng HFMD ang mga sanggol at mag-aaral na may edad 10 taong gulang pababa sa mga bansang Asiano tulad ng Pilipinas, kung kaya’t puspusan ang kampanya ng DOH laban dito.

Kamakailan ay may ilang kaso ng HFMD ang naitala ng CHO mula sa mga batang mag-aaral sa lungsod. Negatibo naman ang mga ito sa Eastern Visayas 71 base sa isinagawang laboratory test ng mga samples at specimen sa Research Institute for Tropical Medicine (RITM) sa Alabang.

Ayon kay Aileen Cantos, City Epidemiological and Surveillance Officer ng CHO, madaling kumalat ang HFMD.

Nakakahawa ito sa pamamagitan ng direct contact, droplets, o fomites. Maari din aniya itong makuha sa mataong lugar kagaya ng paaralan, palengke, at plasa.

Binigyang diin ni Cantos na magpakonsulta o ipagbigay alam kaagad sa CHO, sakaling may makikitang sintomas ng HFMD.

Libre aniya ang konsultasyon at lahat ng procedures para dito. Makakabuti rin aniya na sila mismo ang pupunta sa bahay ng pasyente.

Sinabi ni Cantos na maiiwasan naman ito sa pamamagitan ng pagpapanatili ng kalinisan ng katawan tulad ng madalas na paghuhugas ng kamay gamit ang sabon, paggamit ng hand sanitizer, paglilinis ng apektadong bagay o lugar (contaminated) tulad ng mga laruan at silid, pag iwas sa direktang contact sa tao, kagaya ng paghalik, pagyakap at iba pa, pagtataklob ng bibig kung uubo at babahin, palagiang pagdadala ng sanitation kit at pagpapanatili ng kalinisan ng tahanan, paaralan , child care centers at iba pa. (Marie V. Lualhati, PIO- Batangas City)

comments

What do you think?

0 comments

New to ugnayan?