navigate
or
 
Cortes
Bohol, Philippines
connect now
Cancel
Cancel
Cancel
Cebuano news: 5 ka Bol-anon gipasidunggan Sa DOST sa Sci & Tech week
Philippine Information Agency
By Rey Anthony H. Chiu
posted 10-Aug-2012  ·  
0 comments
Midawat sa pasidungog ang lima ka mga Bol-anon gikan sa Department of Science and Technology (DOST) tungod sa mga talagsaong buhat niini nga nakapamaayo pa sa pagtamud sa siyensya ug teknolohiya alang sa dugang kaugmaran sa Bohol.

Sila Gobernador Edgar Chatto, Victoria Sandidge, Leonard Alturas, Marlito Uy ug Dr. Elpidio Magante ang gitunolan nila ni DOST Regional Director Engr. Rene Burt Llanto ug Engr. Marcial Tanggaan, hepe sa DOST sa Bohol sa pasidungog atul sa pagtak-op sa Science and technology week niadtong katapusang semana sa Julyo.

Matud ni Dir. Llanto, ang way puas nga pagpaningkamot ni Gob. Chatto aron iasdang ang Science and Technology ug ang pagpangita sa mga kabag-ohan sa teknlohiya bisan pa gani sa iyang pagkabatan-ong lider.

Sa laing bahin, si Victoria Sandidge o mas nailhang si Vicky sa Bohol Bee Farm gipasidunggan sa iyang binag-ong paggamit sa teknolohiya alang sa ilang pagproseso sa mga pagkaon nga gibaligya sa iyang mga tindahan, sa organic farming, kasanihan, turismo nga maoy nakapataas sa batakan sa mainantigong pamuhuman sa Bohol.

Si Leonard Alturas usa sa mga lig-ong tigdason sa science and technology ilabi na sa paggamit sa mga teknlohiya sa luwas nga pagkaon sa pagdumala sa iyang negosyo nga miresulta sa dugang kita dala sa may maayong produksyon.

Si Marlito Uy, nagtanyag sa dili mapresyohan nga tabang sa pagpatuman sa mga laraw sa science and technology ilabi na sa business incubator alaang sa aquaculture, ang konsepto sa superfarm ug ang nagkadaiyang mga binag-ong teknolohiya nga gigamit sa iyang mga umahan.

Si Dr. Elpidio Magante, natumbok usab sa DOST sa iyang way puas nga suporta sa science and technology ilabi na sa Bohool Island State University lakip na ang Municipal Science and Technology Advisory program, Computer training Center, suporta sa mga eskolar sa DOST, tabang alang sa mga local nga imbentor ug ang pagpabarug sa Equipment Design and Fabrication Center sa tunghaan. (mbcn/rahc-PIA7, Bohol)
What do you think?
0 comments
New to ugnayan?
leave a comment, you need to connect.
Connect thru
Cancel
Cancel
Cancel
79
views
share
like
posted
10-Aug-2012
ugnayan © 2013
online: 
1 connected users and 24 visitors