connect now
Cancel
Cancel
Cancel
Cebuano News: Leyte Festivals moapil sa Sinulog 2012 karong Enero 15
posted 13-Jan-2012  ·  
0 comments

Ang Linganay Festival sa Alangalang ug ang Karatong Festival sa Dulag mao ang duha sa kapistahan sa probinsya sa Leyte nga moapil sa umaabot Sinulog Festival 2012 sa Cebu City karong Enero 15.

Ang Linganay Festival sa Alangalang mao ang grand champion samtang ang Karatong Fesrtival sa Dulag mao ang ikaduhang mananaog sa 2011 Pintados-Kasadyaan Festival of Festivals.

Ang Leyte, ubos sa pagdumala ni Governor Carlos Jericho L. Petilla, maghatag ug tibuok nga suporta sa duha ka partisipante ngadto sa Sinulog Festival.

Ang duha, Linganay Festival ug Karatong Festival gihatagan ug suportang pinansyal gikan sa probinsyal nga pangagamhanan sa Leyte, sa kantidad nga P800,000 kada usa.

Si Gov. Petilla nagkanayon nga ang probinsya misaad sa pagsuporta ug pagkonserbar sa cultural heritage sa Leyte pinaagi sa pag-apil sa mga lokal nga festivals diha sa national festival competitions nga colorful ug lucrative sama sa Sinulog Festival.

Matud pa ni Gov. Petilla nga ang pagbutang ug pagmintinar sa partisipante diha sa nagkadaiyang festival competitions sa tibuok nasud dili tiaw-tiaw, tungod sa mga preparasyon diha sa pinansyal ug physical aron lamang makakompetensya.

Hinoon, siya midugang, nga ang kompetisyon sama sa Sinulog usa ka dakong oportunidad sa pagsuporta sa lungsod – ang cultural richness ug ingon man ang economic viability.

Samtang, si Alangalang Mayor Loreto Yu ug Dulag Mayor Manuel Sia Que, nagpadayag sa sa ilang kalipay sa wala’y kataposang suporta sa gobernador aron magmalambuon ang lainlaing festivals sa Leyte.

Ang Linganay Festival maoy unang pag-apil sa Sinulog Festival sa Cebu City karong enero.

Ang duha ka mayor naglaum nga makarepresentar sila ug maayo sa Leyte diha sa importanteng Sinulog Festival. (Translated by RGC/PIA-Soleyte)

0 comments
New to ugnayan?
leave a comment, you need to connect.
Connect thru
Cancel
Cancel
Cancel
362
views
share
like
posted
13-Jan-2012
ugnayan © 2014
online: 
29 visitors