connect now
Cancel
Cancel
Cancel
Waray news: Lingganay Festival han Leyte kampeon ha Sinulog 2012
posted 17-Jan-2012  ·  
0 comments

An Lingganay Festival han Alangalang, Leyte in nagin kampeon dida han free-interpretation nga kategoreya han 2012 Sinulog Festival nga gindumara ha siyudad han Cebu dida han Enero 15.

An Lingganay Festival, diin nagkampeon gihap han kanan Pintados-Kasadyaan Festival ha probinsya han Leyte, in nanguna han 30 nga iba pa nga mga festival ha bug-os nga nasud.

An iba pa nga mga bumulig dida han festival nga natikang ha Leyte in nagpakita gihapon hin maupay nga pagpasundayag dida han ginhihinulat nga Sinulog Festival. An Karatong Festival han Dulag, Leyte in nakakuha han ikatulo nga pwesto meyentras an Pasaka Festival han Tanauan, Leyte in nag-ika-unom.

Sering ni Mayor Loreto “Entong” Yu han Alangalang nga an Lingganay Festival in napili gihapon komo Best in Musicality ngan Best in Costume.

Nahibaruan nga an awarding of prizes in pagdudumaraon dida han ala una han kulop han Enero 16.

Ha turotemprano, dida han Enero 13, an kanan Lingganay Festival star dancer nga hi Conchitina Cleofe Cloma Yu in ginproklamar komo second runner up dida han Sinulog Queen 2012 kun diin hi Nerissa L. Modesto, an lead dancer han Pasaka Festival han Tanauan, amo an napili komo first runner up.

An iba nga mga nagdaug in nag-uupod han Himig Ulaw Festival han Placer, Masbate komo first runner up; Lumad Basakanon han siyudad han Cebu komo 3rd runner up; ngan han Toledo National Vocational School komo 4th runner up.

An mga nagdaug in ginladngan pinaagi han criteria sugad han tema, konsepto ngan rituwal, 10 percent; performance, 25 percent; choreography, 25 percent; costume, 20 percent; props, 10 percent; ngan Sinulog musicality, 10 percent.

An Sinulog Festival nga ginkilala komo panguna han ngatanan nga mga festival han nasud, in usa nga festival paghalad ngadto kan Señor Santo Niño. (Trans. by MAA/PIA8)

0 comments
New to ugnayan?
leave a comment, you need to connect.
Connect thru
Cancel
Cancel
Cancel
377
views
share
like
posted
17-Jan-2012
ugnayan © 2014
online: 
41 visitors