Malu mimbaba su kaso nu krimen sa siyudad nu Koronadal iganat kanu Enero a-1 taman sa Disyembre a-31,2011 kumpara sa lagun na 2010, kadtalo ni City police chief Supt. Michael Libanan.
Sa isa kinapangingidsa nu lokal a radio, pidtalo ni Libanan na mimbaba sa sumiken 20% su krimen a nanggula sa siyudad.
Pidtalo ni Lebanan, sa kanu kanilan a index crime report para sa lagun a 2011, nakalista bu na 248 crimes against person and properties sa intilo siyudad, kumpara sa 611 na insidente kanu lagun na 2010.
Su kadakel nu crime rate volume nu siyudad sa kanu lagun na 2011 na nakasaut bu sa 416 na mga kaso endo mawatani tangkayan sa 1,309 na mga kaso sa kanu naipus a lagun.
Su kinambaba nu kriminalidad sa siyudad, tigi libanan na nasaut nu lekanin a panguluan sabap sa kanu pinagkabagel a kampanya kontra sa kriminalidad endo sa kanu dapinda a kapamonitor nu mga pulis sa intilo siyudad.
Apiya yanin kaaden na mababa su insidente nu krimen kanu naipus a lagun, pinangini pamun ni Lebanan su dapenda na kooperasyon nu mga Koronadalenos sa endo matatap su kalilintad endo kagkapiya nu siyudad.(qlsolaiman/PIA)