Tagalog news: DOST-12 namahagi ng mga OL trap laban sa dengue sa North Cotabato

ugnayan

navigate

select

Koronadal City

South Cotabato, Philippines

connect now

Cancel

Tagalog news: DOST-12 namahagi ng mga OL trap laban sa dengue sa North Cotabato

Philippine Information Agency

By Danilo E. Doguiles

posted 17-Aug-2012 ·

0 comments

Abot sa 11,270 na ovicidal-larvicidal (OL ) traps ang naipamahagi ng Department of Science and Technology (DOST-12) sa mga pampublikong paaralan sa North Cotabato kaugnay ng patuloy na kampanya laban sa sakit na dengue.

Umabot sa 1,454 na OL trap kits ang ipinagkaloob sa mga paaralan sa Kidapawan City samantalang 9,816 ang naipamahagi sa 17 munisipyo ng lalawigan.

Sa kabuuan, 5,600 na silid-aralan sa lalawigan ang nabigyan ng tigalawang OL trap kit.

Ang OL trap ay napatunayang mabisang panlaban sa pagdami ng lamok, kabilang na ang Aedes aegypti na may dala ng dengue virus.

Sabi ni DOST-12 Regional Director Dr. Zenaida Laidan, ang pamamahagi ng OL traps ay bahagi ng kanilang kampanya kasama ang Department of Education para sa pagpigil ng sakit na dengue lalo na sa mga kabataan na kalimitang naaapektuhan ng naturang sakit.

Sa huling ulat ng Regional Epidemiology and Surveillance Unit (RESU) ng Department of Health (DOH-12), mayroon nang 2,372 na kaso ng dengue sa buong Soccsksargen Region, 991 o halos 42 porsiyento dito ay sa North Cotabato.

Batay pa rin sa ulat, ang bilang ng nagkakasakit ng dengue sa naturang lalalawigan ay 74 na porsiyento na mas marami kung ikukumpara sa sa bilang ng kaso ng dengue ng kaparehong panahon noong nakalipas na taon. (DED-PIA12)

comments

What do you think?

0 comments

New to ugnayan?